રાજનીતિ

દેશના સાત કરોડ વેપારીઓએ ચીનને આપ્યો એક હજાર કરોડનો ફટકો, ચીનમાંથી નહિ ખરીદે રાખડી

197views

ભારતના વેપારીઓએ હવે નક્કી કરી લીધુ છે કે કોઈ પણ મોરચે ચીનને બોયકોટ કરવામાં આવશે. આત્મનિર્ભર ભારતના લક્ષ્ય સાથે મોદી સરકારની સાથે દેશભરના વેપારીઓ પણ જોડાઈ ગયા છે. હવે ચીનની કમર તોડી નાખે એવો નિર્ણય વેપારીઓએ કર્યો છે. આ નિર્ણથી નાના કલાકારો અને લઘુ ઉદ્યોગને પણ ફાયદો થશે.

ભારત દેશના સાત કરોડ વેપારીઓએ ચીનની રાખડીઓનું વેચાણ નહીં કરવાનો નિર્ણય લીધો છે. આશરે રૂપિયા એક હજાર કરોડની કિંમતની ચીનની રાખડીઓનો ઓર્ડર રદ કરવામાં આવ્યો છે. માત્ર આટલું જ નહીં સ્વદેશી રાખડીઓ તૈયાર કરવાની પણ પૂરજોશમાં તૈયારીઓ ચાલી રહી છે. જેના કારણે આત્મનિર્ભર ભારતને મજબૂતી મળશે અને લાખો લોકોને રોજગારી મળશે. આ વખતે ચીનને ખૂબ મોટો ફટકો પડશે.

ચીનને સણસણતો જવાબ આપવા માટે છૂટક વેપારીઓના સંગઠન, ફેડરેશન ઓફ ઓલ ઈન્ડિયા ટ્રેડર્સએ ભારતીય સામાન-આપણો અભિયાન ચલાવ્યું છે. આ અભિયાન હેઠળ રક્ષાબંધનના તહેવાર નિમિત્તે ચીનની રાખડીઓ નહીં વેચવાનો નિર્ણય લેવામાં આવ્યો છે.

ફેડરેશન ઓફ ઓલ ઈન્ડિયા ટ્રેડર્સના મહામંત્રીએ આ વિશે વાત કરતા જણાવ્યું કે ચીનથી રાખડી મંગાવતા સમગ્ર દેશના વેપારીઓએ આશરે રૂપિયા 1 હજાર કરોડનો ઓર્ડર રદ કર્યો છે. ભારતના તમામ શહેરોમાં સ્વદેશી રાખડીઓ બનાવવા અને વેચાણ માટે વેપારીઓ સ્થાનિક નાગરિકોને પ્રોત્સાહન આપી રહ્યા છે. દિલ્હીના 10 મોટા વેપારીઓએ પણ ચીનથી રાખડી મંગાવવાનો ઓર્ડર રદ કર્યો છે. આ વેપારીઓ સમગ્ર દેશમાં રૂપિયા 1 હજાર કરોડની કિંમતની રાખડીઓનું વેચાણ કરતા હતા.

ફેડરેશન ઓફ ઓલ ઈન્ડિયા ટ્રેડર્સ સાથે જોડાયેલા એક પ્રવક્તાએ જણાવ્યું કે સ્વદેશી રાખડીઓ તૈયાર કરવાથી ઘણાં લોકોને રોજગારી મળશે. અમે માત્ર સ્વદેશી રાખડીઓનું વેચાણ કરીશું.

Leave a Response

error: Content is protected !!