એપ ડાઉનલોડ કરતી વખતે ભૂલથી પણ ન કરતા આ ભૂલ, નહીં તો પસ્તાવાનો આવશે વારો || Voice of Gujarat
એપ ડાઉનલોડ કરતી વખતે ભૂલથી પણ ન કરતા આ ભૂલ, નહીં તો પસ્તાવાનો આવશે વારો

એપ ડાઉનલોડ કરતી વખતે ભૂલથી પણ ન કરતા આ ભૂલ, નહીં તો પસ્તાવાનો આવશે વારો

કેટલીકવાર ગૂગલ પ્લે સ્ટોર પરથી એપ્સ ડાઉનલોડ કરવી ખતરનાક સાબિત થઈ શકે છે.

શું તમે એક એન્ડ્રોઇડ યુઝર છો…?

શું તમે એક એન્ડ્રોઇડ યુઝર છો…? જો હા તો આજે અમે તમને એક મહત્વની વાત જણાવી રહ્યાં છીએ. આપણે બધા ગૂગલ પ્લે સ્ટોર પરથી એપ્સ ડાઉનલોડ કરીએ છીએ અને આપણાં ઉપયોગમાં આવતી રોજબરોજની એપ્સ અહીંથી ડાઉનલોડ થાય છે. પરંતુ શું તમે જાણો છો કે કેટલીકવાર ગૂગલ પ્લે સ્ટોર પરથી એપ્સ ડાઉનલોડ કરવી ખતરનાક સાબિત થઈ શકે છે.

કેટલીકવાર ગૂગલ પ્લે સ્ટોર પરથી એપ્સ ડાઉનલોડ કરવી જોખમી બની શકે છે. કારણ કે Google Play Store માલવેર અને હેકર્સ માટે એપ્સને બહુ સ્કેન કરતું નથી. આવી સ્થિતિમાં, ગૂગલના સ્ટોર પરથી ડાઉનલોડ કરેલ એપ્સ માલવેર કે હેકર્સથી પ્રભાવિત થઈ શકે છે. જો તમે પણ Google Play Store પરથી એપ્સ ડાઉનલોડ કરો છો તો તે તમારો અંગત ડેટા કે તમારા નાણાકીય ઓળખપત્રો પણ ચોરી થવાની શક્યતાઓ વધી જાય છે.

આ 4 બાબતોનું રાખો ખાસ ધ્યાન

- તમે જે એપ્લિકેશન ડાઉનલોડ કરી રહ્યાં છો તે તમને કઈ પરવાનગીઓ પૂછે છે તેના પર તમારે હંમેશા ધ્યાન આપવું જોઈએ. ઉદાહરણ તરીકે- જો તમે કોઈ એડિટિંગ એપ ડાઉનલોડ કરો છો, તો તે એપ તમારી પાસે સ્ટોરેજ, કેમેરા, માઇક્રોફોન અને ફોટો ગેલેરી માટે પરવાનગી માંગે છે. પરંતુ તમારે ધ્યાન આપવું પડશે કે તે એપ્લિકેશનને કઈ પરવાનગીની જરૂર છે અને જરુરિયાત પ્રમાણે જ પરવાનગી આપવી.

- જ્યારે પણ આપણે કોઈ એપ ડાઉનલોડ કરીએ છીએ, ત્યારે તેની સમીક્ષા (રિવ્યુને) હંમેશા ધ્યાનમાં લેવી જોઈએ. આ અત્યંત મહત્વનું છે. કારણ કે લોકો તેમના એપ અનુભવના આધારે રિવ્યુ આપે છે. જો તમને એપની ખરાબ સમીક્ષા મળે છે તો એપને ડાઉનલોડ કરશો નહીં.

- જ્યારે પણ તમે કોઈ એપ ડાઉનલોડ કરો છો, તે પહેલા તે એપ કેટલી વાર ડાઉનલોડ થઈ છે તે જોઈ લો. આ મહત્વપૂર્ણ છે કારણ કે જેટલા વધુ લોકોએ એપ ડાઉનલોડ કરી છે, તે એપ પર એટલો જ વધુ વિશ્વાસ વધે છે.

- ગૂગલ પ્લે સ્ટોર પર દરેક એપ નિર્માતા તેમની એપ વિશે વિગતો આપે છે. તેનો સ્ત્રોત શું છે તે પણ જણાવે છે. જો તમને સ્રોત સાચો લાગે અથવા વિગતો સાચી લાગતી હોય તો જ એપ્લિકેશન ડાઉનલોડ કરો.


add image
Top