Mamata Banerjee on PM Modi: 'મને નથી લાગતું કે PM મોદી ED-CBIના દુરુપયોગમાં સામેલ છે', મમતા બેનર્જીનું ચોંકાવનારું નિવેદન || Voice of Gujarat
Mamata Banerjee on PM Modi: 'મને નથી લાગતું કે PM મોદી ED-CBIના દુરુપયોગમાં સામેલ છે', મમતા બેનર્જીનું ચોંકાવનારું નિવેદન

Mamata Banerjee on PM Modi: 'મને નથી લાગતું કે PM મોદી ED-CBIના દુરુપયોગમાં સામેલ છે', મમતા બેનર્જીનું ચોંકાવનારું નિવેદન

શ્ચિમ બંગાળના મુખ્ય પ્રધાન મમતા બેનર્જીએ સોમવારે કહ્યું કે, તેમને નથી લાગતું કે, રાજ્યમાં કેન્દ્રીય એજન્સીઓના કથિત અતિરેક પાછળ વડા પ્રધાન નરેન્દ્ર મોદીનો હાથ છે.

'ભાજપના નેતાઓ દરરોજ ધમકી આપે છે'

CBI-ED Misuse: પશ્ચિમ બંગાળના મુખ્ય પ્રધાન મમતા બેનર્જીએ સોમવારે કહ્યું કે, તેમને નથી લાગતું કે, રાજ્યમાં કેન્દ્રીય એજન્સીઓના કથિત અતિરેક પાછળ વડા પ્રધાન નરેન્દ્ર મોદીનો હાથ છે. મોદી સરકારના ઉગ્ર ટીકાકાર બેનર્જીએ આક્ષેપ કર્યો હતો કે, ભાજપના નેતાઓનો એક વર્ગ પોતાના હિત માટે એજન્સીઓનો દુરુપયોગ કરી રહ્યો છે.

કેન્દ્રીય તપાસ એજન્સીઓના "અતિરેક" વિરુદ્ધ વિધાનસભામાં ઠરાવ પર, બેનર્જીએ વડા પ્રધાનને વિનંતી કરી કે, કેન્દ્ર સરકારનો એજન્ડા અને તેમના પક્ષના હિતોનું મિશ્રણ ન થાય. ભાજપે આ ઠરાવનો વિરોધ કર્યો હતો જે બાદમાં વિધાનસભાએ પસાર કર્યો હતો.

'કેન્દ્રનું વલણ સરમુખત્યારશાહી'

બેનર્જીએ કહ્યું કે, વર્તમાન કેન્દ્ર સરકાર સરમુખત્યારશાહી રીતે વર્તી રહી છે. આ ઠરાવ કોઈ ચોક્કસ વ્યક્તિ વિરુદ્ધ નથી, પરંતુ કેન્દ્રીય એજન્સીઓની પક્ષપાતી કામગીરી વિરુદ્ધ છે. ભાજપે કહ્યું કે, CBI-ED વિરુદ્ધ આવો પ્રસ્તાવ વિધાનસભાના નિયમોની વિરુદ્ધ છે. પ્રસ્તાવની તરફેણમાં 189 અને વિરોધમાં 69 મત પડ્યા હતા.

CBI અને ED જેવી કેન્દ્રીય એજન્સીઓ રાજ્યમાં એવા ઘણા કેસોની તપાસ કરી રહી છે જેમાં તૃણમૂલ કોંગ્રેસના ઘણા વરિષ્ઠ નેતાઓ આરોપી છે. બેનર્જીના નિવેદન બાદ કોંગ્રેસ અને કોમ્યુનિસ્ટ પાર્ટી ઓફ ઈન્ડિયા-માર્કસવાદીએ આરોપ લગાવ્યો છે કે, તૃણમૂલ કોંગ્રેસ અને ભાજપ વચ્ચે મૌન સમજણ ઉભરી આવી છે.

'ભાજપના નેતાઓ દરરોજ ધમકી આપે છે'

બેનર્જીએ કહ્યું, "દરરોજ, બીજેપીના નેતાઓ CBI અને ED દ્વારા વિરોધ પક્ષોના નેતાઓની ધરપકડ કરવાની ધમકી આપે છે. શું દેશમાં કેન્દ્રીય એજન્સીઓએ આ રીતે કામ કરવું જોઈએ? મને નથી લાગતું કે આની પાછળ વડાપ્રધાન નરેન્દ્ર મોદીનો હાથ છે, પરંતુ ભાજપના કેટલાક નેતાઓ છે જેઓ પોતાના સ્વાર્થ માટે CBI અને EDનો દુરુપયોગ કરી રહ્યા છે.

તેમણે કહ્યું કે, CBI જે PMOને રિપોર્ટ કરતી હતી તે હવે કેન્દ્રીય ગૃહ મંત્રાલયના અધિકારક્ષેત્રમાં છે. આ પહેલા બેનર્જીએ આરોપ લગાવ્યો હતો કે, મોદી રાજકીય વિરોધીઓ સામે કાર્યવાહી કરવા માટે CBI અને EDને મળી રહ્યા છે. રાજ્યના ભાજપના નેતાઓનો ઉલ્લેખ કરતા, બેનર્જીએ આશ્ચર્ય વ્યક્ત કર્યું કે, તેઓ શા માટે વારંવાર તેમની ઓફિસમાં CBI અધિકારીઓને મળે છે. મુખ્ય પ્રધાને દાવો કર્યો હતો કે, ઉદ્યોગપતિઓ દેશ છોડીને જતા રહ્યા છે કારણ કે, તેઓને ED અને CBI દ્વારા હેરાન કરવામાં આવી રહ્યા છે.


add image
Top