Reserve Bank of India: કાલથી બંધ રહેશે આ બેંક, શું થશે ગ્રાહકોના પૈસાનું || Voice of Gujarat
Reserve Bank of India: કાલથી બંધ રહેશે આ બેંક, શું થશે ગ્રાહકોના પૈસાનું

Reserve Bank of India: કાલથી બંધ રહેશે આ બેંક, શું થશે ગ્રાહકોના પૈસાનું

ભારતીય રિઝર્વ બેંક (આરબીઆઈ) દ્વારા નિયમોનું પાલન ન કરવા બદલ, બેંકો સામે દંડ લાદવામાં આવે છે. પરંતુ હવે આવતીકાલથી એટલે કે 22મી સપ્ટેમ્બરથી બેંક બંધ રહેશે.

ગ્રાહકોના પૈસાનું થશે શું?

RBI Cancelled Bank License: ભારતીય રિઝર્વ બેંક (આરબીઆઈ) દ્વારા નિયમોનું પાલન ન કરવા બદલ, બેંકો સામે દંડ લાદવામાં આવે છે. પરંતુ હવે આવતીકાલથી એટલે કે 22મી સપ્ટેમ્બરથી બેંક બંધ રહેશે. ભારતીય રિઝર્વ બેંક દ્વારા કહેવામાં આવ્યું હતું કે, જે ગ્રાહકોએ આ બેંકમાં પૈસા જમા કરાવ્યા છે તેઓ આવતીકાલથી પૈસા ઉપાડી શકશે નહીં. છેલ્લા દિવસોમાં આરબીઆઈએ ઘણી બેંકો અને નાણાકીય સંસ્થાઓ સામે કાર્યવાહી કરી હતી.

બેંકની આર્થિક સ્થિતિ સારી નથી

ઓગસ્ટમાં આરબીઆઈએ પુણે સ્થિત Rupee Co-operative Bank Limitedનું લાઇસન્સ રદ કર્યું હતું. 22મી સપ્ટેમ્બરે RBIના આ નિર્ણયના અમલ બાદ બેંકિંગ સેવાઓ બંધ રહેશે. આરબીઆઈ દ્વારા જારી કરવામાં આવેલી નોટિસમાં કહેવામાં આવ્યું છે કે, બેંકની આર્થિક સ્થિતિ સારી નથી. 

લાઇસન્સ રદ કરવા માટેનું કારણ

રિઝર્વ બેંક દ્વારા કહેવામાં આવ્યું હતું કે બેંક 22 સપ્ટેમ્બરે પોતાનો વ્યવસાય બંધ કરશે. આ પછી, બેંક ગ્રાહકો ન તો પૈસા જમા કરી શકશે અને ન તો ખાતામાંથી ઉપાડી શકશે. આ સિવાય કોઈ નાણાકીય વ્યવહાર કરવામાં આવશે નહીં. આરબીઆઈ દ્વારા કહેવામાં આવ્યું હતું કે, બેંક પાસે મૂડી નથી અને વધુ કમાણી થવાની કોઈ શક્યતા નથી. આ બેંકનું લાઇસન્સ રદ કરવાનું કારણ છે.

ગ્રાહકોના પૈસાનું શું થશે?

આ બેંકમાં જેમના પૈસા જમા છે તેવા તમામ ગ્રાહકોને RBIની ડિપોઝિટ ઈન્સ્યોરન્સ એન્ડ ક્રેડિટ ગેરંટી કોર્પોરેશન (DICGC) વીમા યોજના હેઠળ રૂ. 5 લાખનું વીમા કવચ મળશે. આ નિયમ અનુસાર, જો કોઈ બેંક ખરાબ નાણાકીય સ્થિતિને કારણે બંધ થાય છે, તો ગ્રાહકને DICGC દ્વારા 5 લાખ રૂપિયા સુધીની થાપણો પર વીમા કવચનો લાભ મળે છે. 


add image
Top