જાણવા જેવુરાજનીતિ

દેશમાં આજના દિવસે લાગેલી કટોકટીના ૪૪ વર્ષ પૂરા,PM મોદીએ ટ્વીટ કરીને શેર કર્યો વીડિયો

107views

ભારતના લોકતંત્રમાં 25 જૂનને એક કાળા દિવસ તરીકે યાદ કરવામાં આવે છે. આજના જ દિવસે 1975માં વડાપ્રધાન ઈન્દિરા ગાંધીએ ઈમરજન્સી એટલે કે કટોકટીની જાહેરાત કરી હતી. અને ૨૧ મહિના સુધી પ્રજાના તમામ હકો છીનવાઈ ગયા હતા. આજે દેશમાં લાગુ કરવામાં આવેલી કટોકટીના 44 વર્ષ પૂરા થયા છે.

મોદીએ ઈમરજન્સીનો એક વીડિયો પોસ્ટ કર્યો છે. તેની સાથે લખ્યું છે કે, “દેશ તે દરેક સેના અધિકારીને સલામ કરે છે જેણે ઈમરજન્સીનો વિરોધ કર્યો હતો. આપણો લોકતંત્ર વિચાર એક અધિનાયકવાદી માનસિકતા પર સંપૂર્ણ હાવી રહ્યો હતો.” શાહે લખ્યું હતું કે, “1975માં આજના જ દિવસે માત્ર પોતાના રાજકીય હિત માટે લોકતંત્રની હત્યા કરવામાં આવી હતી. દેશવાસીઓ પાસેથી તેમના મૂળભુત અધિકારીઓ છીનવી લેવામાં આવ્યા હતા. ન્યૂઝપેપરને તાળા લગાવી દેવામાં આવ્યા હતા. લાખો રાષ્ટ્રભક્તોએ લોકતંત્રને પુન:સ્થાપિત કરવા માટે ઘણી મુશ્કેલી સહન કરી હતી. તે દરેક સેનાનીને મારા નમન.”

કેન્દ્રીય ગૃહમંત્રી અને ભાજપ અધ્યક્ષ અમિત શાહે પણ ટ્વીટ કરી. તેમણે લખ્યું કે 1975મા આજના જ દિવસે માત્ર પોતાના રાજકીય હિતો માટે દેશના લોકતંત્રની હત્યા કરાઇ. દેશવાસીઓ પાસેથી તેમના મૂળભૂત અધિકાર છીનવી લેવામાં આવ્યા, અખબારો પર તાળા લગાવી દીધા. લાખો રાષ્ટ્રભકતો એ લોકતંત્રને પુર્નસ્થાપિત કરવા માટે અનેક વેદનાઓ સહન કરી, હું એ તમામ સેનાનીઓને નમન કરું છું.

1975માં આજના જ દિવસે માત્ર પોતાના રાજકીય હિતો માટે દેશના લોકતંત્રની હત્યા કરાઇ. દેશવાસીઓ પાસેથી તેમના મૂળભૂત અધિકાર છીનવી લેવાયા, અખબારોને તાળા મારી દેવામાં આવ્યા. લાખો રાષ્ટ્રભકતોને લોકતંત્રને પુનર્સ્થાપિત કરવા માટે અનેક યાતનાઓ સહન કરી. હું એ તમામ સેનાનીઓને નમન કરું છું.

તો બીજીબાજુ રાજનાથ સિંહે ટ્વીટ કરીને કહ્યું કે 25મી જૂનના રોજ ઇમરજન્સીની જાહેરાત કરી અને ત્યારબાદની ઘટનાઓ ભારતના ઇતિહાસના સૌથી ઊંડા અધ્યાયોમાંથી એક તરીકે ચિહ્નિત છે. એ દિવસ, આપણે ભારતના લોકોએ હંમેશા પોતાની સંસ્થાઓ અને સંવિધાનની અખંડતાને બનાવી રાખવાના મહત્વને યાદ રાખવું જોઇએ.

રક્ષા મંત્રી સિવાય મોદી સરકારના કેટલાંય બીજા મંત્રીઓએ પણ તેને લઇ ટ્વીટ કરી. કેન્દ્રીય ખેલ મંત્રી કિરણ રિજિજુ એ પોતાના ટ્વિટર એકાઉન્ટ પર લખ્યું, આજે અડધી રાત્રે હું મારો સમય સ્વતંત્રતા માટે સમર્પિત કરીશ કારણ કે 25મી જૂન 1975 અડધી રાતે ભારતમાં ઇમરજન્સી લાગી હતી તથા લોકતંત્રની હત્યા એ ક્ષણે થઇ હતી. રિજિજૂ એ આ ટ્વીટમાં એ સમયના અખબારની તસવીર પણ શેર કરી.

25 જૂન, 1975નાં રોજ દેશમાં કટોકટી જાહેર થઈ હતી, જે 21 મહિના પછી એટલે કે 21 માર્ચ, 1977નાં રોજ ખતમ થઈ હતી. ત્યારે ફખરુદ્દીન અલી અહમદ રાષ્ટ્રપતિ અને ઈન્દિરા ગાંધી વડાપ્રધાન હતા. રાષ્ટ્રપતિએ ઈન્દિરાની સલાહ પર જ દેશમાં કલમ 352 અંતર્ગત કટોકટી લાગુ કરી હતી. તે સમયે જેપી કૃપલાની, અટલ બિહારી વાજપેયી, મોરારજી દેસાઈ, લાલકૃષ્ણ અડવાણી અને અશોક મહેતા સહિતના મોટાં નેતાઓની ધરપકડ કરવામાં આવી હતી.

Leave a Response

error: Content is protected !!