Corona Update

સુરતના તંત્રનું સુંદર પગલું :મહારાષ્ટ્ર-ઓરિસ્સાના પરિવારો માટે તેમની પ્રાદેશિક ભાષામાં સુચના સંદેશ છપાયા

211views

સુરતમાં કોરોનાના લોકડાઉનના પહેલાં તબક્કામાં પાલિકા કમિશનર દ્વારા ગુજરાતી કે હિન્દી ભાષામાં જ સુચનાઓ આપવામાં આવતી હતી. જોકે, હવે બીજા તબક્કામાં સુરત જિલ્લામાં મોટી સંખ્યામાં રહેતાં ઓરિસ્સાવાસી અને મહારાષ્ટ્રીયન લોકો માટે તેમની ભાષામાં સંદેશા જાહેર કરીને તેમને ગાઈડ લાઈનનું પાલન કરવા માટે અપીલ કરવામા આવી રહી છે.

ઓરિસ્સા અને મરાઠી ભાષામાં સુચના આપવામાં આવી

સુરત પાલિકાના જણાવ્યા પ્રમાણે, સુરત જિલ્લામાં મહારાષ્ટ્રીયન વસ્તી 9 લાખથી વધુ જ્યારે ઓરિસ્સાવાસીઓની વસ્તી 7.50 લાખ જેટલી છે. જેથી પાલિકા કમિશનર બંછાનિધી પાની અને સુડાના સીઈઓ ક્ષિપ્રા અગ્રે દ્વારા ઓરિસ્સા અને મરાઠી ભાષામાં સુચના આપવામાં આવી રહી છે. કોરોના સામે ઝઝુમી રહેલા સુરત પાલિકા માટે સોશિયલ ડિસટન્સ અને માસ્ક સૌથી વધુ જરૂરી છે. તંત્ર દ્વારા રોજ અપીલ કરવામાં આવતી હોવા છતાં કેટલાક વિસ્તારમાં હજી પણ માસ્ક અને સોશિલ ડિસ્ન્ટસનો અભાવ જોવા મળી રહ્યો છે.

પ્રાદેશિક ભાષામાં સુચના આપવા પ્રયાસ

મીની ભારત એવા સુરતમાં સાડા સાત લાખ ઓરિસ્સાવાસીઓ વસવાટ કરે છે. જ્યારે નવ લાખથી વધુ મહારાષ્ટ્રીયન લોકો વસવાટ કરે છે. આવા સમયે તેમની પ્રાદેશિક ભાષામાં સુચના આપવા માટે પાલિકા તંત્ર દ્વારા પ્રયાસ શરૂ કર્યો છે. સુરત પાલિકા કમિશનર બંછાનિધી પાની ઉડીષા ભાષી હોવાથી તેઓએ આજે સુરતમા રહેતાં ઓરિસ્સાવાસીઓને  ઉડિયા (ઓડિસા) ભાષાઓમાં સંબોધન કરીને જાગૃત્ત કર્યા છે. જ્યારે સુડાના સી.ઈ.ઓ. તરીકે હાલ ક્ષિપ્રા અગ્રે ફરજ બજાવે છે તેઓએ મરાઠી ભાષામાં મહારાષ્ટ્રીયન લોકોને અપીલ કરી છે.

પાલિકા કમિશનર અને સુડા સીઈઓ દ્વારા અપીલ

બન્ને ભાષામાં સોશિયલ ડિસ્ટન્સ રાખવા, કોઈ પણ ખરીદી કરવા જાવો ત્યારે હાથ ધોવા, ગરમ પાણી પીવા સાથે મીઠાના પાણીના કોગળા કરવા સાથે માસ્ક અને સેનેટાઈઝરનો ઉપયોગ કરવા માટેની અપીલ કરી છે. આ પહેલાં ગુજરાતી ભાષામાં પાલિકા કમિશનર સંબોધન કરતાં હતા હવે ગુજરાતી સાથે હિન્દી અને ત્યારબાદ ઉડીયા, મહારાષ્ટ્રીયન ભાષામાં સંબોધન કરવામા આવી રહ્યું છે. સાથે સાથે પોસ્ટરો પણ મરાઠી અને ઉડીયા ભાષાના વહેતા કરવામાં આવ્યા છે.

સૌજન્ય – દિવ્ય ભાસ્કર

Leave a Response

error: Content is protected !!