Corona Update

પતંજલિને મળી કોરોનાની દવા, બાબા રામદેવે કર્યુ એલાન,દવાથી એક હજાર લોકોને કર્યા સાજા

2.45Kviews

કોરોના વાયરસની દવા બનાવવા માટે ભારત સહિત દુનિયાના ઘણા દેશોમાં શોધ ચાલી રહી છે. દાવો કરવામાં આવી રહ્યો છે. આ મહામારી સામે લડવા માટે વેક્સિનની શોધ એક વર્ષની અંદર તૈયાર કરવામાં આવશે. પરંતુ આ વચ્ચે પતંજલિના સહ સ્થાપક આચાર્ય બાલકૃષ્ણે એક નવો દાવો કર્યો છે.આચાર્ય બાલકૃષ્ણે દાવો કર્યો છે કે, પંતજલિ કોરોનાની દવા બનાવવામાં સફળતા મેળવી ચુક્યું છે. તેમણે આ દવાથી એક હજારથી વધારે લોકો સ્વસ્થ થયા હોવાની વાત પણ કરી છે. આચાર્ય બાલકૃષ્ણે દાવો કર્યો છે, અલગ અલગ જગ્યાએ કોરોના પોઝિટિવ દર્દીઓને આ દવા આપવામાં આવી હતી, જેમાંથી ૮૦ ટકા લોકો સ્વસ્થ થયા છે.

આચાર્ય બાલકૃષ્ણે જણાવ્યું હતું કે, કોરોના મહામારી ચીનની સાથે સાથે વિશ્વમાં પણ વધી રહી હતી ત્યારે તેમણે પોતાની સંસ્થાના દરેક વિભાગને માત્ર અને માત્ર કોરોનાની સારવાર માટે દવા બનાવવા માટે કામ કરવાની સુચના આપી હતી. જેનું પરિણામ એ આવ્યું કે, તેનુ માત્ર સફળ પરીક્ષણ કરવામાં આવ્યું તેટલું જ નહિ પરંતુ તેને તૈયાર પણ કરી લેવામાં આવી છે.આચાર્ય બાલકૃષ્ણે  જણાવ્યું હતું કે, શાસ્ત્રો, વેદોનો અભ્યાસ કરીને તેને વૈજ્ઞાનિક ફોર્મ્યુલાના ઢાંચામાં ઢાળીને આ દવા બનાવવામાં આવી છે. આ દવાના નિર્માણ માટે પતંજલિના ઘણા વૈજ્ઞાનિકો રાતદિવસ જોયા વગર કામ કરી રહ્યા છે.

પતંજલિના રીસર્ચ એન્ડ ડેવલોપમેન્ટ ડીપાર્ટમેન્ટના મુખ્ય વૈજ્ઞાનિકે જણાવ્યું હતું કે, જાન્યુઆરીમાં જયારે ચીનમાં કોરોનાની શરૂઆત થઇ હતી ત્યારે અમે આ દિશામાં વિચારવાનું શરૂ કરી દીધું હતું. હજારો વૈજ્ઞાનિકોએ રાત દિવસ જોયા વગર મહેનત કરી છે અને તેનું પરિણામ એ આવ્યું છે કે અમે દવા બનાવવામાં મહારત હાંસલ કરી લીધી છે. દવાથી હજારો લોકો સ્વસ્થ થયા છે અને જેની સફળતા અંદાજે ૮૦ ટકાની આસપાસ રહેલી છે.

Leave a Response

error: Content is protected !!