વિકાસની વાત

મહિલા કોન્સ્ટેબલ પોતાની નોકરીનો પ્રથમ પગાર વૃક્ષારોપણ અને પક્ષીઓના માળા પાછળ કરશે ખર્ચ

144views

પાટણ જિલ્લાના સમશેરપુરા ગામના પોલીસ કોન્સ્ટેબલ ભાવનાબેન પસાભાઈ ભાલૈયા પોતાની નોકરીના પ્રથમ પગારમાંથી ગામમાં એક હજાર જેટલા વૃક્ષો વાવવા અને પક્ષીઓ માટે માળા બનાવવા પાછળ ખર્ચ કરવા અર્પણ કરવાનો નિર્ણય કર્યો છે. ભાવનાબેનની પોલીસ ડ્યુટીની જવાબદારી ઉપરાંત વૃક્ષો અને પક્ષીઓ પ્રત્યેનો પ્રેમ અને લાગણી દર્શાવતા પ્રેરણાત્મક અભિગમને ગુજરાત પોલીસે બિરદાવી છે.

તમને જણાવી દઈએ કે, સમશેરપુરા ગામમાં પ્રકાશકુમાર વશરામભાઈ નાડોદાના પત્ની ભાવનાબેન છેલ્લા બે વર્ષથી પોલીસ કોન્સ્ટેબલ તરીકે ફજર બજાવે છે. ભાવનાબેન એ પોકતાની નોકરીનો પ્રથમ પગાર સારા કાર્યમાં વાપરવાનો નિર્ણય કર્યો હતો અને તેમણે અત્યાર સુધીમાં પ્રથમ પગારની વીસ હજાર રૂપિયા બચત કરીને રાખી હતી ત્યારે જન્મદિવસ નિમિત્તે આ પૈસા પક્ષીઓના ચણ માટે અને પક્ષીઓના કુંડા તથા માળા માટે તેમજ ગામમાં એક હજાર વૃક્ષો વાવી આ વૃક્ષોની કાયમી સંભાળ માટે પૈસા ખર્ચ કરવાનો નિર્ણય કર્યો છે.

આ માટે ગામના યુવક મંડળને જવાબદારી સોંપવામાં આવી છે અને આગામી દિવસોમાં ગામના યુવક મંડળ દ્વારા 1000 વૃક્ષો વાવી તેનો ઉછેર કરવામાં આવશે. તેમજ તેમણા જન્મદિવસ નિમિત્તે બચત કરેલા 5000 રૂપિયા પક્ષીઓના માળા તથા પરબ માટે ખર્ચ કરવામાં આવશે ત્યારે પોલીસ કોન્સ્ટેબલના આવા પ્રેરણાત્મક કાર્યની અત્યારે રાજ્યમાં ચારેય તરફ પ્રશંસા થઈ રહી છે તેમજ અન્ય કર્મચારીઓએ પણ આમાંથી પ્રેરણા લેવી જોઈએ.

Leave a Response

error: Content is protected !!